Champions League rezervon një tjetër supersfidë mbrëmjen e kësaj të mërkure. Reali i Madridit do të kërkojë hakmarrje ndaj Chelsea, për eliminimin në gjysmëfinalet e edicionit të kaluar.
Blutë i mposhtën spanjollët me rezultatin e përgjithshëm 3-1, me suksesin vendimtar 2-0 në “Stamford Bridge”, përpara se të triumfonin në turneun më të rëndësishëm kontinental. Megjithatë, skuadra e Tuchel nuk po përjeton sezonin më të mirë dhe këtë e konfirmoi disfata 4-1 ndaj Brentford gjatë fundjavës së kaluar.
Në sfidën tjetër çerekfinale, Bayern niset favorit në trasfertën me Villarreal. Bavarezët mbeten një superfuqi në arenën ndërkombëtare dhe barazimi me Salzburg në sfidën e kthimit të 1/8 ishte vetëm ndeshja e dytë në 17 të fundit të luajtura jashtë fushe, ku gjermanët nuk kanë arritur të fitojnë.
Bavarezët nuk humbasin në transfertë në Champions prej ndeshjes së parë të grupeve në sezonin 2017/18: në atë rast ata u thyen 3-0 nga 3-0 Paris Saint-Germain. Pika e referimit te Bayern mbetet Robert Lewandowski, i cili shënon në çdo 58 minuta lojë, teksa në fazën ofensive pritet të mbështetet nga Gnabry, Müller dhe Coman.
