Marko Asensio është një nga opsionet kryesore për sulmin e Milanit në sezonin e ardhshëm, duke parë dhe problemet me rinovimin e kontratës te Reali. Për të shtuar zërat në lidhje mbi transferimin e futbollistit spanjoll te kuqezinjtë, ka menduar agjenti i futbollistit, i cili në një prononcim për “Sportmediaset” ka pohuar që Milani mund të jetë një opsion interesant për 26-vjeçarin.
“Interesi i Milanit është një krenari për ne. E ardhmja tek ata mund të jetë një opsion i mirë.
Kemi dhe oferta nga klube angleze. Gjithçka po shqyrtohet me kujdes për të bërë zgjedhjen më të mirë.”, u shpreh agjenti i Asensios.
Paolo Maldini, i cili është një admirues i sulmuesit spanjoll, do të ishte i gatshëm ta bënte një sakrificë në merkato dhe t’i dhuronte Stefano Piolit dy-herë fituesin e Chempions, për të përforcuar akoma më shumë sulmin e Milanit.
