Një ngjarje e rëndë ka ndodhur ditën e djeshme, ku një 10-vjeçar u mbyt në ujërat e lumit Fan të Mirditës.
10-vjeçarin S.Laska e mori rrjedha e lumit, teksa ishte afruar për të marrë topin që i kishte rënë, teksa luante me bashkëmoshatarët e tij.
Kërkimet për gjetjen e të miturit u ndërprenë mbrëmjen e djeshme për shkak të errësirës që pamundësonte operacionin e kërkim shpëtimit.
Ndërkohë është gjetur topi me të cilën po luante i mituri bashkë me shokët e tij.
Aktualisht vijojnë kërkimet për gjetjen e trupit të tij. Kërkimet janë përqëndruar në zonën e Repsit.
Në operacion ndodhen 4 polumbarë, policia, zjarrfikësit dhe banorë të zonës.
