Shefi i Laboratorit të Mikrobiologjisë, Andi Koraqi shprehet se nuk pritet një valë e Covid-19.
“Nuk pritet që të ketë një valë të re shpërthimesh nga variantet e reja BA1 dhe BA2 të Omicron, edhe për vetë faktin se janë shumë të ngjashme. Nuk është ndonjë variant i ri. Ata që kanë kaluar variantin BA1, kanë një mbrojtje ndaj BA2. Ndaj, specialistët mendojnë se nuk do të ketë një vale të re”, u shpreh Koraqi.
Për “Euronews Albania”, ai deklaroi se variantet e reja përhapen më shpejt, por nuk janë agresive.
”Në dallim nga Delta, Omicron ka simptoma më të lehta. Varianti BA2 është deri në 30% më i transmetueshëm se BA1 dhe pritet që të bëhet më dominant, por nuk është më agresiv”, tha Koraqi.
Ditën e djeshme, Komiteti Teknik i Ekspertëve bëri me dije se në vendin tonë janë konfirmuar dy variantet e reja të koronavirusit, BA1 dhe BA2.
