Kryeministri Edi Rama ka përjashtuar kategorikisht që Lulzim Basha mund të jetë Presidenti i ardhshëm i Republikës.
Rama u pyet nëse mazhoranca socialiste mund të votonte Lulzim Bashën për President, ndërsa u shpreh se “ai mund të bëhej President me votat tona, aq sa Sali Berisha mund të fitojë çmimin Oscar”.
Kryeministri tha se Partia Socialiste pavarësisht se ka votat për zgjedhjen e Presidentit ajo ka mandatuar grupin e punës për zhvillimin e negociatave me opozitën, për të cilën tha se është bërë copa e çika.
“Ne kemi nisur një proces, ka një skuadër të mandatur nga PS për të hapur një kanal komunikimi me grupe dhe individë në parlamentin e Shqipërisë që përfaqësojnë anën tjetër, e cila është një anë me copa dhe cika, por këtë nuk e kemi zgjedhur ne dhe respektojmë këtë konfiguracion që ata kanë krijuar dhe ndërkohë kemi hapur një proces të brendshëm pasi është hera e parë që PS i ka votat për Presidentin dhe varet nga votat e të tjerëve dhe përgjegjësia është e jashtëzakonshme për ti dhënë vendit një presidentit që të jetë një njeri normal“, u shpreh Rama.
Pyetje: Mundësia që ekziston për zgjedhjen e Bashës si President?
Kryeministri Edi Rama: Lulzim Basha mund të bëhet president i republikës me votat e kësaj shumice aq sa Sali Berisha mund të fitojë çmimin “Osacar”.
