Një 65-vjeçar ka humbur jetën këtë të Martë në rrugë, në Tiranë. Sipas policisë, dyshohet se ka pësuar arrest kardiak. Ndërkohë, dëshmitarët denoncojnë se ambulanca ka vonuar rreth 1 orë për ti ardhur në ndihmë.
Ngjarja ka ndodhur në zonën e ish-parkut të autobusëve.
“Rreth orës 13:45, në afërsi të ish-parkut të autobusëve, në rrugë, ka ndërruar jetë shtetasi D.K., 65 vjeç. Nga këqyrja paraprake nuk janë konstatuar shenja dhune dhe dyshohet se vdekja ka ardhur si pasojë e një arresti kardiak. Grupi hetimor ndodhet në vendngjarje dhe po punon për sqarimin e rrethanave të ngjarjes”, thuhet në njoftimin e bluve për ngjarjen.
Nga dëshmitarë, është denoncuar se ambulanca është vonuar për ti ardhur në ndihmë 65-vjeçarit. Një qytetar u shpreh për portalin “JOQ” se ambulanca ka shkuar në vendngjarje rreth 1 orë pas marrjes së njoftimit.
“Kemi pritur 1 orë ambulancën dhe erdhi mbasi vdiq nga një infarkt në zemër, ambulanca e ka fajin që iku”, citohet dëshmitari nga portali.
