Ekonomisti Dritan Shano, i ftuar në Syri TV, u shpreh mbrëmjen e sotme se rritjen e çmimeve do të vijojë gjatë dhe me shumë gjasa numri i të varfërve do të rritet ndjeshëm, pasi janë ata që do preken të parët nga kjo situatë.
Sipas Shanos, deri tani qeveria po eksperimenton me mekanizma që nuk janë as kushtetues as ti përkasin një ekonomie tregu, por mbi të gjitha janë mekanizma me efekte afatshkurtra sepse në afatgjatë vijmë në situatën se ilaçi është më dëmprurës se sa sëmundja.
“Kjo valë që ne po përjetojmë rritje të çmimeve ka të ngjatë që të vijojë për një kohë të gjatë. Është e lidhur kryesisht me ekspansionin monetar të qeverive për të përballuar pandeminë, bllokimin e ekonomisë, të transportit me para që quhen para helikopter.
Qeveritë në këto dy vite që shkuan kanë hedhur aq shumë para në treg sa dukshëm ka më shumë para se produkte dhe kjo ka prodhuar këtë rritje inflacioniste të çmimeve dhe e dyta kemi atë që njihet si ‘cost push’ inflacionin që lidhet me situatën e Rusisë me Ukrainën.
Këto dy arsye do na mbajnë në këtë situatë për një kohë të gjatë. Të parët që do preken janë shtresat më të varfra të shqiptarëve rreth 30% e qytetarëve të këtij vendi janë në kufirin e varfërisë. Ky numër vetëm do rritet dhe nuk asnjë mundësi që të ulet.
Për të gjithë ekonimistët dhe qeverinë duhet të adresuar një mekanizëm i duhur kushtetues që qeveria ka në dorë. Deri tani qeveria po eksperimenton me mekanizma që nuk janë as kushtetues as ti përkasin një ekonomie tregu, por mbi të gjitha janë mekanizma me efekte afatshkurtra sepse në afatgjatë vijmë në situatën se ilaçi është më dëmprurës se sa sëmundja”, tha ai.
