Mattia De Sciglio është dënuar me një ndeshje pezullim dhe një gjobë prej 5 mijë eurosh nga Federata Italiane e Futbollit.
Ofendimet e futbollistit italian ndaj arbitrit në përfundim të ndeshjes Juventus-Inter, janë bërë shkak për këtë masë disiplinore ndaj 29-vjeçarit.
De Sciglio do të humbasë kështu ndeshjen e radhës, në të cilën Juventus do të përballet me skuadrën e Kaljarit. Alvaro Morata, gjithashtu do ta humbasë sfidën e së shtunës, për shkak të pezullimit nga plotësimi i numrit të kartonëve të verdhë të grumbulluar.
