Klubi i Laçit ka larguar nga drejtimi Mirel Josën, për shkak të rezultateve të fundit zhgënjyese të skuadrës bardhezi.
Një vendim i papritur, duke llogaritur se skuadra ka edhe një fazë kampionati për të luajtur dhe ka edhe ndeshjen e kthimit gjysmëfinale të Kupës së Shqipërisë.
Për sa i përket pasardhësit të Josës, përflitet emri i Shpëtim Duros i cili do të ishte një rikthim te kurbinasit.
Duro u largua pas pjesëmarrjes në Ligën e Konferencës, ku Laçi bëri një paraqitje mbresëlënëse pasi kaloi dy ture dhe u eliminua vetëm nga belgët e Anderleht.
