Ecuria e procesit të tij në Francë ndaj sekretarit amerikan të Shtetit, Anthony Blinken, për arsyet që kanë çuar Departamentin e Shtetit të shpallë Berishën si persona non grata, ishte ndër pyetjet të cilave iu përgjigj ish kryeministri në emisionin “Debat”.
“Çështja është në gjykate. Se ç’po bën gjykatësi me të nuk e di. Unë nuk po merrem me ndjekjen e problemit, por i besoj avokatit tim, një nga më të shquarit në Francë dhe Europë”.
Sipas Berishës, “e vërteta është që si çështje ajo ka pro-të dhe kundrat e veta. Pro saj, është që shpifja dënohet aty ku del, dhe se për shpifjen nuk ka imunitet. Kundra saj, është fakti që asnjëra nga palët nuk është qytetar francez, pra ka çështje juridiksioni, por ka edhe një imunitet të fortë të sekretarit amerikan të shtetit, por për shpifjen kjo nuk duhet të ekzistojë. Ka disa dizavantazhe, prandaj kam ndjekur rrugën e transparencës më të madhe”.
