Dy persona janë kallëzuar të zhdukur në policinë e Tiranës.
Personat në fjalë, sipas policisë, janë me probleme të shëndetit mendor.
Denoncimet janë bërë ditën e djeshme.
“Shtetasja B.K., 49 vjeçe, ka kallëzuar se është larguar nga banesa dhe nuk është kthyer më, motra e saj, shtetasja R. K., 35 vjeçe, e cila vuan nga probleme të shëndetit mendor”, njoftoi polica.
“Shtetasja Sh.H., 74 vjeçe, ka kallëzuar se është larguar nga banesa dhe nuk është kthyer më, djali i saj, shtetasi I.H., 50 vjeç, i cili vuan nga probleme të shëndetit mendor”, shtuan të njëjtat burime.
