Një aksident i rëndë ka ndodhur në aksin rrugor Korçë-Bilisht pasditen e sotme, rreth orës 19:45.
Në aksin rrugor Korçë-Bilisht, pranë kryqëzimit të fshatit Palasë, Maliq, janë përfshirë në një aksident mjeti tip “Toyota” me drejtues shtetasin Besnik Cakollari., me mjetin tip “Renault”, me drejtuese shtetasin Jetnor Lumani.
Mësohet se si pasojë e aksidentit janë plagosur rreth pesë persona, të cilët janë në gjendje të rëndë.
Ndërkohë raportohet për disa të bllokuar në mjet. Makinat kanë përfunduar në kanal.
Njoftimi i policisë
Maliq – Më datë 05.04.2022, rreth orës 19:45, jemi njoftuar se në aksin rrugor Korçë-Bilisht, pranë kryqëzimit të fshatit Plasë, Maliq, janë përfshirë në një aksident mjeti tip “Toyota” me drejtues shtetasin B. C., me mjetin tip “Renault”.
Për pasojë janë dëmtuar drejtuesi i mjetit tip “Renault” dhe një pasagjer i tij, si edhe një pasagjere e mjetit tip “Toyota”, të cilët u transportuan në Spitalin e Korçës dhe ndodhen nën kujdesin e mjekëve.
Grupi hetimor ndodhet në vendngjarje dhe po punon për përcaktimin e shkakut të aksidentit.
