Presidenti i Francës, Emmanuel Macron ka bërë thirrje për më shumë sanksione ndaj Rusisë.
Macron thotë se sanksionet kundër Rusisë janë të nevojshme pas raportimeve për forcat ruse që vrasin civilë në qytetin Bucha, afër Kievit.
Ukraina ka akuzuar Rusinë për një “masakër të qëllimshme” në Bucha, pasi gazetarët gjetën të paktën 20 trupa të shpërndarë në rrugë, por Rusia i ka quajtur këto pretendime “propagandë” lufte, shkruan BBC.
Macron i tha radios “France Inter” se kishte “të dhëna shumë të qarta” që tregonin se forcat ruse ishin përgjegjëse për krimet e luftës në Ukrainë.
