Sekretari i Përgjithshëm i NATO-s, Jens Stoltenberg paralajmëroi se sulmi në Ukrainë do të vijojë dhe nuk kemi të bëjmë me një tërheqje të vërtetë të Rusisë.
“Ajo çfarë pamë nuk është një tërheqje e mirëfilltë. Po shohim që Rusia po ripozicionon trupat e saj dhe disa prej tyre po i tërheq për ti riarmatosur për ti përforcuar dhe rifurnizuar. Nuk duhet të jemi optimistë sepse sulmet do të vijojnë” i tha Stoltenberg shefit politik të CNN, Dana Bash të dielën (3 prill 2022)
Komenti i Stoltenberg erdhi pas raporteve nga qeveria ukrainase të shtunën se i gjithë rajoni i Kievit ishte “çliruar” nga forcat ruse. “Irpin, Bucha, Gostomel dhe i gjithë rajoni i Kievit u çliruan nga pushtuesi”, tha zëvendësministrja e Mbrojtjes e Ukrainës, Hanna Maliar në një postim në Facebook më 2 prill.
Vetë CNN nuk ka konfirmuar se i gjithë rajoni i Kievit është pastruar nga trupat ruse nga forcat ukrainase, por ushtria ukrainase ditët e fundit ka rimarrë kontrollin e periferive përreth kryeqytetit, të cilat kanë mbetur nën kontrollin e qeverisë. Ushtria ruse ka thënë se po redukton trupat rreth Kievit.
NATO është gjithashtu “e shqetësuar për sulmet e mundshme në rritje veçanërisht në jug dhe në lindje,” tha shefi i aleancës.
“Pra, kjo nuk është një tërheqje e vërtetë, por më shumë një ndryshim në strategjinë e brendshme. Përqendrimi më shumë në jug dhe lindje,” shtoi ai.
