Gjykata ka dhënë masën e sigurisë “arrest me burg” për ish-deputetin socialist Alqi Bllako, mbi të cilin rëndojnë akuza për korrupsion dhe shpërdorim detyre, në hetimin për inceneratorin e Fierit.
Avokati i Bllakos, Sokol Hazizaj, në një deklaratë për gazetarët pas seancës së sotme, tha se udhëtimet e Bllakos me Klodian Zotos nuk janë një “provë bindëse”: “Kjo nuk u përmend (në seancë) dhe mendoj që kjo nuk është provë bindëse sa kohë që nuk është provuar që bileta është paguar nga Zoto për Bllakon. Ne mund të udhëtojmë bashkë nëse unë mund të jem e keqja dhe ju e mira dhe kjo nuk do të thotë që kemi lidhje bashkë”.
Avokati mbrojtës i tij, Sokol Hazizaj tha se Bllako vetëm ka përcjellë dokumente dhe u shpreh se gjykata nuk njeh kodin e procedurës administrative.
“Tre faktet penale për të cilat ka identifikuar organi procedurial i hetimit që lidhet me shpronësimin, me pagën e të atit në cilësinë e drejtorit të AKUM dhe mendoj se janë akte të prodhuara jo nga Alqi Bllako. Nuk është prodhuar akti nga Alqi Bllako. Në cilësinë e Sekretarit të Përgjithshëm ka përcjellë vetëm dokumentacionin për shkak të aktit që dalin nga Këshilli i Ministrave ndaj edhe unë thashë që pretendimi jonë është që nga kjo gjykatë nuk njihet Kodi i Procedurës Administrative. Mirë do ishte që edhe ju t’i merrni një kod për ta mbajtur ata në sirtarët e tyre”, tha ai.
