Java e 27-të e Abissnet Superiore nis me një barazim pa gola. Në “Egnatia Arena”, Kukësi priti Tiranën kryesuese në tentativën për t’u konsoliduar në vend të tretë e me bardheblutë që duan sa më shpejt të sigurojnë titullin, por në fakt nuk kishte fitues.
Në një pjesë të parë të vakët, ndryshe nga ç’jemi mësuar gjithmonë në një sfidë me gola mes këtyre dyja ekipeve, ishin shumë të kujdeshëm si vendasit ashtu dhe bardheblutë.
Pak shkëndija kishte si Kukësi ashtu edhe Tirana ku verilindorët ishin më agresivë duhet thënë.
Fraksioni i dytë sheh Kukësin me afër golit ku në 65’, Gjelbrim Taipi me një gjuajtje në zone godet traversën. Edhe Tirana kundërpërgjigjet me Seferin që tregohet i pasaktë para portierit Çollaku.
Me gjithë përpjekjet e Kukësit për të gjetur golin, sfida mbyllet në barazim pa gola që lë Tiranën të pashqetësuar drejt titullit ndërsa skuadra e Longos mbetet në vend të tretë me 44 pikë, 2 më pak se Laçi i vendit të dytë.
