Bardh Spahia, kryetari i ri i bashkisë së Shkodrës, ka marrë fjalën në përkujtimoren që po mbahet sot në Shkodër në nderim të katër dëshmorëve të demokracisë.
Sipas tij qytetarët Shkodran por edhe gjithë shqiptarët e gjejnë so veten sërisht në një beteje të ngjashme si ajo me diktaturën dhe komunizmin.
Sipas Spahisë, të gjithë duhet të luftojmë në kuadër të unitetit për të çuar kështu në vend edhe amanetin e dëshmrëve.
“Ranë katër djem të Shkodrës dhe si u plagosën më shumë se qindra qytetarë. 2 prilli 1991 ishte ditë e trishtueshme, por ishte edhe prologu i fundit i pashmangshëm i diktaturës komuniste. Sot, 31 vite më pas, Shkodra dhe qytetarët e saj e gjejnë veten sërish në betejë dhe kudo kumbon thirrja “Liri – Demokraci”. Bashkimi ynë, pavarësisht mosdakortësive është amanet jo vetëm i dëshmorëve të demokracisë. Është emergjencë kombëtare, largimi i këtij regjimi. Shkodra e dha provën e saj të radhës që nuk i përkulet regjimit. Tashmë është koha që nga Shkodra, fryma e bashkimit dhe e përballjes me të keqes të përhapet në të gjithë vendin, është amanet i dëshmorëve. Nderim dhe mirënjohje përjetë heronjve të demokracisë!”,- theksoi kryebashkiaku Spahia.
