Florian Marku mbron sonte titullin e tij ndërkombëtar në peshën e lehtë në IBF, kundër 33-vjeçarit britanik Chris Jenkins.
Përballja me 10 raunde zhvillohet në Utilita Arena, në Newcastle dhe është e dyta në eventin me 12 ndeshje që nis në 21:00 (me orën tonë lokale).
Florian Marku hyn në ring si i pamposhtur. 29-vjeçari shqiptar ka një rekord prej 10 fitoresh, zero humbje dhe 1 barazim – 6 nga fitoret me “knock out”.
Nga ana tjetër, Chris Jenkins futet në ring me një rekord prej 22 fitoresh, 4 humbjesh dhe 3 barazime – 8 nga fitoret me “knock out”.
“Statistikat sugjerojnë se Marku ka një avantazh të madh në fuqi ndaj Jenkins, duke rritur me 60% përqindjen mundësinë e një nock-out-i, ndaj 36% të Jenkins”, raporton faqja e specializuar e boksit “box.live”.
Marku kundër Jenkins (Forma)
Marku mbetet i pamposhtur si profesionist.
Në ndeshjen e tij të fundit, ai mundi Jorick Luisetto më 20 nëntor 2021 me pikë në Wembley Arena, Londër.
Më parë, ai kishte mposhtur Maxim Prodan më 25 shtator 2021 me pikë, në garën e tyre të 10 raundeve në stadiumin Tottenham Hotspur, Londër. Në këtë ndeshje, fitoi dhe titullin e parë ndërkombëtar.
Më herët, ai mundi Rylan Charlton më 20 shkurt 2021 me nokaut teknik në raundin e 8-të në Wembley Arena.
Para kësaj, ai kishte barazuar me Jamie Stewart më 12 dhjetor 2020 në Wembley Arena, Londër.
Po ashtu, ka fituar kundër Muma Mweemba më 10 nëntor 2020 me nokaut teknik në raundin e parë, në BT Sport Studio, Londër.
Reagimi i Markut ditën e sotme
Nga ana tjetër, Chris Jenkins ka mundur 3 nga 5 kundërshtarët e tij të fundit.
Në përballjen e tij të fundit, ai humbi ndaj Ekow Essuman më 24 korrik 2021 me nokaut teknik në raundin e 8-të në luftën e tyre për titujt CBC Commonwealth Welterëeight dhe BBBOC në Wembley Arena, Londër, Mbretëria e Bashkuar.
Më parë, ai kishte barazuar me Liam Taylor më 30 nëntor 2019 në garën me 12 raunde në luftën e tyre për titullin britanik të peshave të lehta BBBOC në Arena Birmingham, West Midlands.
Para asaj ndeshje, ai kishte mposhtur Paddy Gallagher më 3 gusht 2019 me vendim teknik në përballjen për titullin CBC Commonëealth Welterweight në Marquee, Falls Park, Irlanda e Veriut.
Para kësaj, kishte mposhtur Johnny Garton më 8 mars 2019 me vendim unanim në luftën e tyre për kampionatin britanik të peshës së lehtë BBBOC në Royal Albert Hall, Londër.
Ai fitoi kundër Edvinas Puplauskas më 2 shkurt 2019 me pikë në raundin e 6-të në The Neon, Uells.
Aktiviteti
Përsa i përket aktivitetit të fundit, Florian Marku ka luftuar më shumë se Chris Jenkins.
Florian Marku luftoi për herë të fundit 4 muaj e 13 ditë më parë, ndërsa dalja e fundit e Chris Jenkins ishte 8 muaj e 9 ditë më parë.
5 ndeshjet e fundit të Markut kanë ardhur në një periudhë prej 1 viti, 4 muaj e 23 ditë, që do të thotë se ai ka luftuar mesatarisht çdo 3 muaj e 11 ditë. Në ato luftime ai ka zhvilluar gjithsej 35 raunde, që do të thotë se kanë zgjatur mesatarisht 7 raunde.
5 luftimet e fundit të Jenkins kanë ardhur në një periudhë prej 3 vitesh e 2 muajsh, që do të thotë se ai ka luftuar mesatarisht çdo 7 muaj e 19 ditë. Në ato luftime ai ka zhvilluar gjithsej 47 raunde, që do të thotë se kanë zgjatur mesatarisht 9.4 raunde.
