Florian Marku është i pandalshëm në ring duke korrur një tjetër sukses. Boksieri shqiptar mbrojti mbrëmjen e sotme titullin kampion bote në kategorinë ‘IBF International Welterweight’, duke mposhtur britanikun Chris Jenkins.
Boksieri nga Lushnja mbron titullin e kampionit, duke i marr ndeshjen me “knock out” britanikut që në raundin e katërt.
Gjyqtari ndali duelin pas grushteve të forta që Marku i dha rivalit. Për Markun kjo është fitorja nr.11 në karrierë, ku ka edhe një barazim. Ndërsa për Jenkins kjo është humbja e pestë në karrierë (ka edhe 23 fitore e 3 barazime).
Kjo është padyshim fitorja më e rëndësishme në karrierën e Florian Marku, ndaj një rivali me shumë përvojë në ring. Boksieri shqiptar nuk zhgënjeu në ring dhe nuk zhgënjeu qindra fansa që ishin në stadium për ta mbështetur, duke valëvitur flamurin kuqezi.
