Partizani-Laçi është një nga supersfidat e javës së 27-të të Superiores. Takimi është planifikuar të luhet ditën e hënë në orën 17:45, ndërsa tani është zbuluar edhe stadiumi se ku do të luhet kjo ndeshje.
Duke parë që “Air Albania” është mbyllur për shkak se do të luhet finalja e Conference League në muajin maj, Partizani ka zgjedhur sërish “Elbasan Arenën”.
Ditën e djeshme, të kuqtë luajtën në Elbasan ndaj Vllaznisë në sfidën gjysmëfinale të Kupës dhe barazuan 0-0, ndërsa hënën do të rikthehen sërish në “Elbasan Arena”, por këtë herë përballë Laçit dhe javën e 27-të të Superligës.
