I riu i cili një ditë më parë u rrëzua nga çatia e një banesë në Kuçovë teksa po montonte një panel diellor, ka humbur jetën.
Sipas policisë, Majkëll Vrapi, 26 vjeç, nga fshati Tapi i Kuçovës, ishte duke montuar një panel diellor në një banesë një ditë më parë, kur ra nga çatia. I riu u transportua për në spital, por nuk mundi të mbijetonte.
Ditën e djeshme, në Kuçovë ka pasur erë të fortë, si pasojë e së cilës ra edhe një depozitë uji në lagjen “Tafil Skëndo”. Një vajzë 17 vjeçe u lëndua. Ajo u transportua në spital dhe ndodhet jashtë rrezikut për jetën.
