Kushtet e paqëndrueshme atmosferike do të vijojnë edhe gjatë fundjavës.
Moti parashikohet kryesisht i vranët dhe intervale të shkurtra me diell. Reshjet e shiut priten të jenë prezente të herëpashershme me intensitet të ulët deri mesatar. Hera-herës në intervale të shkurtra kohore reshjet do të marrin karakter shtrëngatash shoqëruar me shkarkesa elektrike.
Në zonat malore reshjet e shiut do të konvertohen në reshje bore me intensitet deri mesatar, parashikon Shërbimi Meteorologjik Ushtarak.
Era do të fryjë nga kuadrati i jugut me shpejtësi mesatare 1-7m/sek, e cila hera-herës do të fitoj shpejtësi deri në 15-18m/sek. Valëzimi në dete pritet i forcës 3-4 ballë.
