Kategoria Superiore ka hyrë në fazën deçizive të saj, me pak ndeshje të mbetura ku çdo gol i shënuar vlen. Në një statistikë të nxjerrë nga FSHF, shikohen lojtarët me më shumë goditje dhe saktësia e tyre.
Duke pasur parasysh këtë fakt në tabelën e mëposhtme gjendet renditja e lojtarëve që kanë goditur më shumë portën, me Xhixhën që kryeson renditjen me 2,9 goditje në kuadrat brenda 90 minutave të lojës. Në ndjekje të lojtarit të Tiranës, i renditur në vendin e dytë ndodhet sulmuesi i Vllaznisë, Aralica me 2,89 goditje të regjistruara. Renditja kompletohet nga Taulant Seferi i vendit të tretë më 2,61 goditje në portë për 90 minuta.
Saktësia në goditje është një diskutim tjetër, me tabelën e mëposhtme që kryesohet nga 3 lojtar tërësisht të ndryshëm. Guindo i Laçit kryeson renditjen me një përqindje saktësie në goditjet në port prej 63,9%, i ndjekur nga Skuka i Partizanit me 55%, dhe Basa i Kukësit që kompleton podiumin me 54%.
