Futbollisti legjendar i Arsenalit, Kolo Toure, ka zbuluar së fundmi përvojat e tij me Ramazanin në Premierligë.
Toure, i cili aktualisht është pjesë e stafit të Leicester ku shërben si ndihmës trajner i Brendan Rodgers, ka lënë gjurmë shumë të thella në Premier League duke u shpallur dy herë kampion i Anglisë.
Ai me rastin e afrimit të Ramazanit ka qenë i ftuar në serialin Sky Sport, i cili i kushtohet festës së madhe islame.
“Mendoj se gjëja më e vështirë për futbollistët është të mos pinë ujë. Është e vështirë kur fillon Ramazani. Dita e parë është e vështirë, dita e dytë është vërtet e vështirë, si java e parë. Dhe pastaj trupi juaj mësohet me të dhe nuk mendon më për ujin.” – tha Toure në emisionin “Sky Sports”, Ramadan and Me.
Toure thekson se nuk ka pasur asnjëherë problem me lojtarët e tjerë jomuslimanë që e rrethonin.
“Unë kurrë nuk kam pasur probleme me njerëzit e tjerë në futboll gjatë Ramazanit. Duhet të respektosh njerëzit që të rrethojnë. Qëllimi është të jesh sa më i disiplinuar”, tha Toure.
