Ish-kryeministri Sali Berisha akuzoi se mazhoranca ka nisur tentativat për “blerjen e deputetëve”, lidhur me zgjedhjen e Presidentit të ri.
Në një prononcim për gazetarët, Berisha tha se PS do të dështojë me turp të madh nëse nuk njeh Komisionin e Rithemelimit dhe vazhdon praktikën e blerjes së deputetëve.
Socialistët kanë nisur punën për propozimin e emrit të Presidenti të ri, por nuk njohin asnjë deputet nga Komisioni i Rithemelimit.
Berisha u përgjigj: Do të thuash ti kanë nisur për të blerë deputetë, do të dështojnë me turp. Këtë ta kenë të qartë. Nuk e njohin grupin? Po nuk njohën grupin dhe vazhduan praktikën e blerjes do të dështojnë me turp të madh.
