Ndodhet që prej muajit janar në Suedinë e largët dhe një ditë më parë është zyrtarizuar tek ekipi i tij i ri. E kemi fjalën për futbollistin shkodran Arlind Kalaja.
Përmes rrjeteve sociale ai ka njoftuar se ka firmosur me ekipin Ljungskile Sk që merr pjesë në Divizionin 1 të futbollit të këtij vendi.
Ish- sulmuesi i Vllaznisë ka bëtë të ditur se ka firmosur një kontratë dyvjeçare me këtë ekip. Padyshim që kjo është diçka shumë pozitive dhe ai tashmë do të mundohet të tregojë vlerat e tij edhe në këtë vend.
25 vjeçari shkodran ka provuar që përpos Vllaznise të luajë edhe me ekipet e Kukësit, Kastriotit dhe Teutës, për t’u rikthyer sërish tek Vllaznia me të cilën luajti deri në dhjetorin e vitit të kaluar duke fituar edhe Kupën e Shqipërisë po gjatë vitit 2021.
Ndërsa tani me Ljungskile Sk do të mundohet që të japë më të mirën e tij dhe ta ndihmojë këtë skuadër të arrijë objektivat e saj.
