Një 55-vjeçar raportohet se ka rënë nga tarraca e banesës së tij. Sipas policisë, ngjarja ka ndodhur në lagjen Pavarësia të Vlorës.
Ky është rasti i tretë brenda pak orësh që nga lartësia kanë rënë persona, që ndodhen në spital. Më herët u raportua për një incident të ndodhur në Dhërmi ku nga lartësia ra një 40 vjeçar, ndërsa njv ngjarje e ngjashme ka ndodhur edhe në Kuçovë me një 26 vjeçar.
Njoftimi i policisë:
Më datë 31.03.2022, në lagjen “Pavarësia”, Vlorë, duke bërë disa rregullime në tarracën e banesës së tij, ka rënë nga kati i tretë, shtetasi A. Sh., 55 vjeç, banues në Vlorë, i cili ndodhet nën kujdesin e mjekëve.
Grupi hetimor ndodhet në vendngjarje dhe po punon për të zbardhur rrethanat e ngjarjes.
