Një automjet është përfshirë nga flakët orët e para të mëngjesit në Vlorë. Sipas policisë, makinës tip “Audi” që është në pronësi të një 29-vjeçareje, dyshohet se i është vënë flaka.
“Rreth orës 03:20, në lagjen ‘24 Maji’, ka marrë flakë dhe është djegur plotësisht, brenda oborrit të shtëpisë, automjeti tip ‘Audi’, në pronësi të shtetases V.H., 29 vjeçe. Nga të dhe dhënat e para, dyshohet se zjarri mund të ketë qenë i qëllimshëm”, njoftoi policia.
Grupi hetimor po punon për sqarimin e plotë të rrethanave të ngjarjes, identifikimin dhe kapjen e autorëve, shtuan të njëjtat burime.
