Deputeti socialist Erion Braçe nuk pranoi të komentojë në lidhje me kërkesën e SPAK për të arrestuar kolegun e tij, Alqi Bllako.
I pyetur nga mediat në hyrje të kryesisë së Kuvendit, Braçe tha se duhet që drejtësia të lihet të bëjë punën e saj nga fillimi deri në fund dhe nëse ndërhyn prishet hetimi.
“Të merret drejtësia me çështjen nga fillimi deri në fund, të nxjerrë konkluzionet e veta, është e tepër të bëjmë ne komente. Po ndërhymë ne me komente prishet hetimi”- tha Braçe.
I pyetur nëse do të japë dorëheqjen Bllako, deputeti u shpreh se: “Komentet do jenë politike kështu që nuk ia vlen”.
