SPAK ka kërkuar sot që të arrestohet deputeti socialist Alqi Bllaqo, për aferën e inceneratorëve.
Në lidhje me këtë lajm, ka reaguar edhe ish-kreu i PD-së Lulzim Basha.
Basha shprehet se Bllaqo dhe Lefter Koka janë bishti i aferës korruptive, duke shtuar se Edi Rama është koka e grupit të strukturuar kriminal të aferës.
Postimi i Lulzim Bashës:
Në vjedhjen e 430 milionë eurove qeveria ka vepruar si një grup i strukturuar kriminal. Lefter Koka dhe Alqi Bllako janë bishti i kësaj afere. Koka e këtij grupi është Edi Rama, që mbështeti, miratoi dhe mbrojti këtë aferë kriminalo-korruptive, duke sulmuar çdo përfaqësues të PD-së që e denoncoi atë.
Sot SPAK hodhi një tjetër hap për t’u përshëndetur në zbardhjen e kësaj afere.
E inkurajoj atë t’i shkojë deri në fund dhe të çojë para drejtësisë të gjithë ata që janë përfshirë në këtë aferë, të cilët tashmë janë faktuar edhe nga Komisioni Hetimor, përfshirë ministra, kryebashkiakë socialistë, sekretarin e përgjithshëm të kryeministrit e deri tek Edi Rama.
