Dy nxënës së shkollës së mesme në Korçë janë plagosur në një sherr të ndodhur më ambientet e gjimnazit.
“Mesditën e sotme, jemi njoftuar se në lagjen nr.17, Korçë, në ambientet e një shkolle të mesme, janë përfshirë në një konflikt tre nxënës, të cilët për pasojë kanë marrë dëmtime fizike. Dy prej tyre, aktualisht po marrin mjekim në Spitalin e Korçës dhe ndodhen nën kujdesin e mjekëve”, njoftoi policia.
Autori i dyshuar i ngjarjes, (me dëmtime të lehta) ndodhet në ambientet e Komisariatit, për veprime të mëtejshme, shtuan të njëjtat burime.
Grupi hetimor po punon për sqarimin e rrethanave të ngjarjes, mbyllet njoftimi i bluve.
