Shqipëria nuk shkoi më shumë se barazimi pa gola në miqësoren ndaj Gjeorgjisë. Në lidhje me këtë duel foli edhe Shkëlqim Muça. I ftuar në studion e emisionit “Ëndërr Kuq e Zi”, Muça ndër të tjera u shpreh:
“Ndryshimet bëjnë që ekipi mos jetë harmonik tek loja sulmuese. Duhet një marsh më shumë, se ajo që ekipi bëri me Spanjën. Shqipëria mu duk e vakët pjesën e parë, me futjen e Cikalleshit, ndryshoi diçka në sulm. Skuadra çaloi nga krahët. Roshi nuk ishte në gjendjen më të mirë. Hysaj nuk ka dalë thuajse fare në vijën fundore.
Kundërshtarët na i zunë hapësirat. Mbuluan mirë edhe Brojën në pjesën e parë. E dominuam si lojë, por pa krijuar raste. Manaj dhe Broja ishin në vijë të drejtë.
Reja nuk do të rrijë 10 vjet në kombëtare, ndërsa Asllani e ka karrierën e gjatë. Mendoj se duhet të luajë më përpara, e ndihmon më shumë skuadrën.
Është lojtar me nivel, ka shumë cilësi. Vetëm 20 vjet, është lojtar i fituar. S’kishte pse të vazhdonte Hysaj. Trajneri 20 minutat e fundit rrezikon. Trajneri për këtë punë është”, u shpreh Muça.
