Disa qindra qytetarë i janë bashkuar protestës para Kryeministrisë në Tiranë kundër rritjes së çmimeve.
Aktivisti Rigels Xhemollari tha se sot nuk do parashtrohen më kërkesa, por do ketë thirrje, ovacione, pankarta.
Xhemollari tha se kërkesa kryesore ka qenë dhe do të mbetet që qytetarët shqiptarë të mos vidhen dhe të trajtohen me dinjitet, duke theksuar se Rama duhet t’i japë fund propagandës së tij.
“I bëjmë thirrje qeverisë të reflektojë. Kryeministri Rama pavarësisht reagimeve të drejta, gjuha e tij ka treguar se ka reaguar.
Por Rama e ktheu në propagandë duke vizituar marketet. Ne nuk kemi kërkuar që të kthehen në inspektorë por që të kujdesen që të mos vidhemi dhe të trajtohemi me dinjitet”, tha ai.
