Atentati me armë zjarri ndaj një makine në lëvizje në Elbasan ka alarmuar autoritetet e rendit në vend.
Menjëherë pasi ka ndodhur ngjarja, në fshatin Papër, në vendin ku ka ndodhur atentati, kanë mbërritur forcat RENEA.
Nuk ka deri tani informacion për arsyet pse ka ndodhur ngjarja e se edhe personat që ishin shënjestër e atentatit janë larguar me mjetin BMV, me të cilin lëviznin.
Policia tha se mjeti BMV përdoret në Elbasan, por se rezulton se ka targa të vjedhura në Durrës. Në mjet është gjetur edhe kallashnikov.
Njoftimi i policisë:
Elbasan/ Informacion paraprak
Rreth orës 17:35, në aksin rrugor Elbasan-Peqin, në rrethana ende të paqarta, dyshohet se është qëlluar me armë zjarri në drejtim të një mjeti tip BMV, targat e të cilit rezultojnë të vjedhura në Durrës, në prill të vitit 2021.
Personat që kanë qenë në mjetin tip BMË, e kanë brakisur mjetin dhe janë larguar.
Shërbimet e Policisë ndodhen në vendngjarje dhe po krehin zonën me qëllim kapjen e personave të përshirë në këtë ngjarje.
Grupi hetimor, nën drejtimin e Prokurorisë, po vijon punën për sqarimin e rrethanave të ngjarjes, identifikimin dhe kapjen e autorëve.
