Autori i dhjetra hiteve në muzikën shqiptare, Agim Doçi, i ftuar në emisionin #Expuls, ka folur për përplasjen që ka pasur me këngëtaren, Ronela Hajati.
Kohë më parë, Agim Doci shkruajti një këngë për Luan Zhegun, e cila më vonë do të ripërpunohej nga Ronela me titullin “Alo Alo”. Pas publikimit të këngës në “YouTube”, Ronela vendosi emrin e Luan Zhegu dhe jo të Doçit. Ky i fundit reagoi në media për pakënaqësinë e tij dhe kjo gjë solli që Ronela të reagonte menjëherë duke zëvendësuar emrin e Luan Zhegut me atë të autorit, Agim Doçi.
Gjatë intervistës ai tha që nuk ka asgjë me Ronela Hajatin dhe madje i uron shumë sukses me këngën e saj për në “Eurovizion”. I pyetur për këngën “Sekret” ai tha që nuk e ka pasur asnjëher problem që Ronela të fitonte.
“Asnjëherë nuk kam pasur problem. Madje për fatin e mirë të jurisë, ishim unanimisht ta merrte Ronela Hajati sepse është një vajzë me një adrenalinë të veçantë që sfidon edhe skeptikët”– u shpreh ai.
