Ndalet e kampionatit prej Kombëtareve ka ardhur në një moment të mirë për Skënderbeun. Trajneri Gega ka punuar me skuadrën gjatë këtyrë ditëve, ndërsa në fundjavë zhvilluan edhe një ndeshje miqësore.
Skënderbeu u përballë me skuadrën U19 dhe arritën të fitonin me rezultatin e thellë 5-1. Vitija, Kaso, Vrapi, Vangjeli dhe Pusi ishin autorët e golave për korçarët, ndërsa Hysolli shënoi për ekipin U19.
Një paraqitje pozitive e Skënderbeut në këtë test miqësor teksa tani do të nisin përgatitjet për sfidën me Teutën që do të luhet më datë 3 prill. Korçarët do të kërkojnë me çdo kusht kthesën pasi pas 26 javësh janë në vendin e fundit me 19 pikë dhe rrezikojnë rënien nga Kategoria.
