Profesori i Komunikimit Artan Fuga, me anë të një postimi në “Facebook” shkruan në lidhje me ngritjen e çmimeve.
Fuga shprehet se ngritja e çmimeve po shkatërron ekonominë shqiptare.
Sipas Fugës, ngritja e çmimit të naftës bën që qytetarët të lëvizin më pak, për rrjedhojë edhe xhirot e bizneseve bien, duke dëmtuar rëndë ekonominë.
Postimi i Artan Fugës:
Si e shkatërron ekonominë ngritja e çmimeve.
Më parë për disa arsye kisha një sjellje konsumatore që harxhoja 5 litra naftë në ditë!
Me rritjen e pajustifikuar dhe aspak transparente, autoritare, me vulë shteti, të çmimit të naftës, harxhoj aktualisht 2 litra në javë.
Shoh sot se rrugët jashtë Tirane sidomos xhang xhing, ka rënë qarkullimi i automjeteve të paktën 50 përqind.
Natyrisht, pse budallenj janë njerëzit.
Tani, tregtarëve të karburantëve që rritën çmimet me së paku 40 lekë të reja, me këtë sjellje konsumatore të qytetarëve u rriten apo u zvoglohen fitimet?
Mua më rritën me 20 përqind çmimin e naftës për litër, unë harxhoj të paktën 10 herë më pak naftë, pra ul konsumimin 1000 përqind. Dhe do të vazhdoj!
Kështu pasurohet apo dëmtohet ky sektor?
Kush do të dorëzohet më shpejt!
Dhe jo vetëm që në këtë sektor bie zia, por njerëzit duke mos lëvizur thajnë edhe restorantet, qendrat tregtare, kafenetë turistike, bëjnë më pak tregti, artizanat, me një fjalë një budallallik komplet i vulosur me gabimin trashanik që po bën bordi i transparencës 🙂 me urdhër nga bordi i rrethuar me kuaj pa yzengji, pa frerë, pa shalë, madje nuk janë as kuaj, por pela, nëse jo mushka!
