Kreu i Grupit Parlamentar socialist Taulant Balla, bashkë me kryetaren e Bashkisë së Lushnjes, Eriselda Sefa, kanë vijuar show-n e nisur nga Kryeministri Edi Rama, duke inspektuar çmimet e produkteve ushqimore në një market.
Balla tha se ndihma që ka dhënë qeveria për këto tre muaj, do të kompensojë këtë rritje të çmimeve, duke u tallur hapur me qytetarët. Madje Balla ka nisur të bëjë edhe llogaritë se sa litra vaj apo sa pako makarona duhet të konsumojë një familje në muaj, ndërsa i ka këshilluar qytetarët që me sheqerin të bëjnë kujdes se është i dëmshëm.
“E rëndësishme është të ketë një ofertë të produkteve të shportës, në çmimet e paketës. Ata që preken drejtpërsëdrejti, kemi bërë një llogari për një familje me 4 anëtarë harxhon 2 litra vaj në muaj, 5 kg makarona, do zoti sheqerin e hanë më pak se është i dëmshëm, ndihma që ka dhënë qeveria për këto tre muaj do të kompesojë këtë nivel rritje. Nëse do vazhdojë lufta, larg qoftë edhe qeveria do e kompesojë më shumë”, tha Balla.
