Një person është sjellë me pranga nga Italia i akuzuar për vrasjen e dy vëllezërve.
Bëhet fjalë për 47-vjeçarin Gerti Selimaj, i cili është arrestuar në Itali në muajin mars të vitit 2021.
Ai akuzohet për vrasjen e Beqir dhe Elmaz Hashos, ngjarje e ndodhur në vitin 1998.
Mbi të qendron edhe akuza e përdorimit dhe prodhimit të armëve luftarake.
Rrethanat e ngjarjes:
Gjithçka ka ndodhur me 22 nëntor të vitit 1998 në lagjen ‘Pavarësia’, në Vlorë. Një i afërm i Gerti Selimajt mbeti i plagosur në vitin 1998 në Vlorë. Të dy vëllezërit e dërguan në spital të plagosurin, por akoma nuk dihet se si nisi ngjarja.
Në spital ka shkuar edhe i afërmi i të plagosurit, Gerti Selimaj, i cili u ka kërkuar llogari vëllezërve për një armë që ishte zhdukur nga vendngjarja. Ata janë përplasur në ambientet e spitalit, më pas Selimaj ka vrarë me armë zjarri dy vëllezërit Hasho.
Selimaj ishte shpallur në kërkim ndërkombëtar, pasi Gjykata e Shkallës së Parë Vlorë i ka caktuar masën e sigurimit ‘Arrest në burg’ për vrasje me paramendim dhe armëmbajtje pa leje.
Selimaj ishte shpallur në kërkim më 12 shkurt të këtij viti pasi Gjykata e Shkallës së Parë Vlorë i ka caktuar masën e sigurimit ‘Arrest në burg’ për kryerjen e veprave penale ‘Vrasja me paramendim’ dhe ‘Armëmbajtja pa leje’.
