Piloti meksikan Sergio Perez me Red Bull siguroi mbrëmjen e sotme “pole position” në pistën e Jeda. Ai dha kohën 1’28”200 në përfundim të provave zyrtare, duke befasuar dy makinat Ferrari, që deri në ato momente po dominonin në pistë.
Pilotët e “kokëkuqes” u renditën në vendet 2-3. I dyti u klasifikua Charles Leclerc dhe pas tij spanjolli Carlos Sainz, por diferencat janë shumë të vogla. Vetëm i katërti Max Verstappen me makinën tjetër Red Bull. Kjo është hera e parë në karrierë për Perez që siguron “pole”.
Ai që ka zhgënjyer gjatë këtyre provave zyrtare është Lewis Hamilton, që u klasifikua në vendin e 16-të me makinën Mercedes. Ai nuk arriti të hyjë as në sesionin e dytë, duke qenë +1’4” sekonda më i avashtë se Ferrari.
Provat e sotme zyrtare u karakterizuan edhe nga një aksident i frikshëm i Mick Schumacher me Haas në sesionin e dytë. Makina e tij thuajse u shkatërrua totalisht, por piloti shpëoti dhe ndodhet për një kontroll mjekësot në spital.
https://twitter.com/F1/status/1507797067124682757?ref_src=twsrc%5Etfw%7Ctwcamp%5Etweetembed%7Ctwterm%5E1507797067124682757%7Ctwgr%5E%7Ctwcon%5Es1_&ref_url=https%3A%2F%2Ftelesport.al%2Fsergio-perez-me-red-bull-befason-ferrarin-siguron-pole-ne-pisten-e-jeda%2F
