Mësohet se në Komisariatin e Kamzës, i riu Arben Mici i ka vënë flakën vetes.
Mici po qëndronte në paraburgimin e Komisariatit të Kamzës, i dënuar për veprën penale të dhunës në familje.
Të plagosur nga ngjarja e rëndë kanë mbetur edhe i dyshuari D.I, si dhe H.B, ky i fundit punonjës policie.
Nje grup ekspertësh të zjarrëfikësve si dhe një grup ekspertësh nga departamenti i krimeve janë duke hetuar shkaqet e zjarrit në komisariatin nr 5.
Njoftimi i policisë:
Tiranë/Informacion paraprak
Më datë 26.03.2022, në Kamzë, në ambientet e Komisariatit të Policisë Nr. 5, në rrethana ende të paqarta, ka rënë zjarr dhe si pasojë janë dëmtuar dhe janë dërguar në spital për ndihmë mjekësore shtetasit e ndaluar A. M., D. I., dhe punonjësi i policisë H. B.
Shtetasi A. M., ka ndërruar jetë në spital.
Me ndërhyrjen e zjarrfikëseve dhe të punonjësve të Policisë të Komisariatit Nr. 5, zjarri u shua.
Grupi hetimor ndodhet në vendngjarje dhe po punon për sqarimin e rrethanave të ngjarjes.
