Mbrëmë në fshatin Prapaqan të Komunës së Deçanit, babai ka qëlluar me thikë vajzën e tij.
Rastin e ka konfirmuar zëdhënësi i Policisë për Rajonin e Pejës, Fadil Gashi.
Sipas tij, rasti ka ndodhur pas një mosmarrëveshje mes këtyre dy personave.
Vajza është dërguar menjëherë për trajtim mjekësor ndërsa babai është vënë në pranga.
“Mbrëmë rreth orës 21:15 min policia është njoftuar për një incident në fshatin Prapaqan. Me të arritur në vendin e ngjarjes, policia ka takuar viktimën të cilën menjëherë e ka dërguar në QKMF për trajtim mjekësor. Viktima ishte sulmuar pas një mosmarrëveshje nga babai me një mjet të mprehtë-thikë. Mjeti që dyshohet që është përdorur është sekuestruar. I dyshuari është arrestuar. Prokurori ka urdhëruar që i dyshuari të dërgohet në mbajtje.”, ka thënë Gashi.
