Deputeti demokrat, Tritan Shehu u shpreh se SHBA-të janë partneri kryesor i vendit tonë dhe duhen marrë shembull si demokraci.
Në RTV Ora, i pyetur në raport me marrëdhëniet e SHBA-ve me Berishën si kryetar parti, ai tha se nuk duhet rënë pre e momenteve dhe konjukturave.
“SHBA-të janë partneriteti ynë kryesor pa dyshim dhe ata na kanë mësuar që të respektojmë rregullat e demokracisë. Shko në SHBA dhe thuaj se e heq dhe e dënon filanin pa vendim gjyqësor. Nuk e bën dot. Masat atje janë sipas fakteve dhe transparente sepse atje është demokracia më e pastër në botë dhe që duhet ta imitojmë si vend. Nuk duhet të biem pre e disa momente, konjukturave dhe paqartësive që krijohen. Vjen koha dhe të gjitha sqarohen”, tha Shehu.
