Komisioni i Rithemelimit do të shkojë sërisht në selinë e PD, ku pritet të zhvillojë një mbledhje mbi hapat e mëtejshëm që do të ndërmerren.
Mësohet se anëtarët e Komisionit të Rithemelimit, përfshi edhe ish-Kryeministrin Sali Berisha pritet të jenë në selinë e PD rreth orës 20:00, për të vijuar më pas në një nga sallat mbledhjen e rradhës.
Ky është takimi i dytë brenda ditës së sotme që Komisioni i Rithemelimit zhvillon në selinë e PD, ndërsa pas vendimit të Gjykatës, kjo është struktura e vetme legjitime në të gjithë kupolën drejtuese të partisë më të madhe opozitare.
Ish-Kryeministri Sali Berisha konsideroi si emergjente ngritjen e strukturave drejtuese, nga Kryesia dhe Këshilli Kombëtar, ndërsa tha se procesi i zgjedhjes së Kryetarëve të degëve është shtyrë nga 3 në 20 prill. Ndërkohë në 30 prill, Komisioni i Rithemelimit do të mbledhë Kuvendin Kombëtar.
