Deputeti demokrat Tomor Alizoti tha mbrëmjen e sotme në emisionin “Zonë e Lirë” se në sistemet demokratike shumica vendos mbi pakicën.
Alizoti tha se në këndvështrimin e tij në situatën aktuale më e rëndësishme se sa këto deklaratat me ankime në Gjykata, është organizimi, krijimi i një partie demokratike në koncept, duke nisur nga degët deri në qendër.
“Në vetvete PD është histori, kjo është te njerëzit e saj, dhe Berisha është një logo që ecën. Edhe në rast se Gjykata e luan lojën me logot, të jeni të bindur se këta njerëz do të jenë pas ish-Kryeministrit”, tha Alizoti.
Lidhur me dorëheqjen e Lulzim Bashës, Alizoti tha se në politikë nuk qëndrohet me sofizma, por me vota. “Basha është i vdekur politikisht, dhe unë s´mund të merrem më me të”, tha Alizoti. Sipas tij, Berisha apo fryma e tij, “Berishizmi” tregoi se mbledh njerëz pa logo, pa seli, ndërkohë që Bashizmi tregoi se mund të ketë seli, logo dhe vulë, por s´ka njerëz.
