Një shpërthim me lëndë plasëse ka ndodhur sot paradite në zonën e Vaut të Dejës në Shkodër.
Shpërthimi ndodhi në banesën e një 66-vjeçari. Si pasojë e shpërthimit, ka vetëm dëme të vogla materiale.
Policia lajmëron se po punon e po mbledh prova me qëllim zbardhjen e plotë të ngjarjes, identifikimin e kapjen e autorit/autorëve.
Njoftimi i policisë:
Rreth orës 11:00 jemi njoftuar se gjatë natës, në fshatin Stajkë, Vau i Dejës, në portën e rrethimit të jashtëm të banesës së shtetasit A. P., 66 vjeç, është vendosur një sasi e vogël lënde plasëse, e cila ka shpërthyer duke shkaktuar vetëm dëme materiale në portën e oborrit të banesës.
Vijojnë veprimet hetimore në vendin e ngjarjes duke administruar çdo provë dhe duke vlerësuar çdo informacion, me qëllim zbardhjen e plotë të ngjarjes, identifikimin dhe kapjen e autorit/ëve.
