Play-off-et e Kupës së Botës na rezervojnë një përballje mjaft spektakolare. Në “Dragao” luhet supersfida mes Portugalisë dhe Turqisë.
Pasi dështuan duke marrë vetëm një pikë në dy ndeshjet e fundit kualifikuese, djemtë e Fernando Santos janë të detyruar të kalojnë nëpër play-off, diçka që nuk i kishte ndodhur që nga viti 2014.
Portugezët kanë përballë Turqinë, që pas një Europiani katastrofik, ka mundësi të kualifikohet në Botëror.
Turqit nuk kanë marrë pjesë në këtë kompeticion që nga viti 2002, kur përfunduan në vendin e tretë, të mbartur nga një brez i artë. Në çdo rast, edhe në rast fitoreje, asgjë nuk do të vendoset sonte pasi fituesi duhet të mundë Italinë ose Maqedoninë e Veriut për të prerë biletën për në Katar.
Fernando Santos ka disa mungesa të rëndësishmë në mbrojtje . Pepe është pozitiv me Covid-19, Ruben Dias është dëmtuar, ndërsa Joao Cancelo është pezulluar. Ka disa surpriza në formacion, pasi Rui Patricio ia lë vendin Diogo Costas në portë. Bernardo Silva është në stol, ndërsa Otavio është aktivizuar titullar.
Formacionet zyrtare:
