Italia nuk do të marrë pjesë në Botërorin “Katar 2022”. Kampionia e Europës është jashtë Kupës së Botës për herë të dytë radhazi teksa humbën përballë Maqedonisë së Veriut me rezultatin 1-0.
Në “Renzo Barbera” ishte vetëm italia në fushë por nuk arritën të shënonin dhe vetëm me një rast Maqedonia e Veriut arrin të shënojë duke ndëshkuar Italinë sërish.
Është historike për Maqedoninë e Veriut, ballkanasit që eliminojnë Italinë dhe ky është futbolli, asnjëherë i parashikueshëm.
Ndeshje me të vërtetë dramatike u luajtën në playoffin e Botërorit. Në gjysmëfinalet e zhvilluara sot ka patur dramë të vërtetë në çdo ndeshje teksa Portugalia arriti të avanconte më tej me shumë fat duhet thënë.
Maqedonia e Veriut do të ndeshet më 29 mars në finale kundër Portugalisë, që ka mundur 3-1 në shtëpi Turqinë falë golave të Otavio-s (15′), Jota (42′) dhe Nunes (94′). Për Turqit ka shënuar Yilmaz (65′), i cili ka hu mbur edhe një penallti në minutën e 83-të.
Fitore 2-1 për Uellsin kundër Austrisë. Heroi i takimit ka qenë Gareth Bale, autor i një dygolëshi të bukur. Uellsi do të përballet në finale me fituesen e Skoci-Ukrainë, ndeshje që është shtyrë për shkak të luftës.
Ndërkohë Suedia ka mposhtur Çekinë 1-0 pas kohës shtesë dhe do të ndeshet me Poloninë për një vend në Botërorin e Katarit.
