Enkelejd Alibeaj, i komanduar në Krye të PD, u shpreh se hapi i parë për bashkimin e demokratëve është heqja dorë nga gjuha e urrejtjes, shantazhit.
Alibeaj tha se është mandatuar për të caktuar emrat e PD që do të përbëjnë edhe grupin negociator nga selia për të negociuar me kolegët e palës tjetër.
Por tha Alibeaj, fillimisht edhe nga pala tjetër duhet të ketë një përgjigje, si një hap të parë, për nisjen e negociatave.
Alibeaj shmangu pyetjen nëse ishte tërhequr nga kushti i vendosur që ish kryeministri Sali Berisha të mos kandidonte për postin e kryetarit duke thënë se çdo gjë ishte thënë shumë qartë më parë.
Kryetari i komanduar i PD-së, Enkelejd Alibeaj: Kjo është një shenjë tjetër në nivelin e ngritjes së përgjegjësisë. Me këtë lloj sensi përgjegjësie të kërkojmë bashkimin për të mirën e demokratëve, duke hequr dorë nga gjuha e urrejtjes. Është kjo gjuha që do përdorim ne, dhe ky është çelësi i moralit, me mirëkuptim të ecim para.
Besoj se tregon gjithçka qëndrimi i sotëm i grupit. Po është një hap i parë si shenjë drejt negociatës drejt tentativave të mira dhe të rëndësishme për të shkuar drejt bashkimit një grup pune i përbërë nga të gjitha instancat e partisë. Ju e keni parë dokumentin, jam ngarkuar unë për të përcaktuar emrat përkatës.
Pyetje: Tërhiqeni nga vendimi për Berishën?
Alibeaj: Është gjithçka e qartë si në vendimin e grupit parlamentar ashtu edhe në ato të ndërmarra nga kryesia.
