Pas dorëheqjes dhe arratisë, këshilltari i presidentit rus Vladimir Putin, Anatoly Chubais është fotografuar në Turqi.
Mediet ruse raportojnë se ditën e djeshme ai është parë në Stamboll.
“Po është e vërtetë. Anatoli Borisovich po largohet nga ky post,” tha një burim i TASS. Forbes raportoi se ai arriti të komunikonte me Chubais në telefon, por ai e mbylli telefonin.
Anatoli Chubais është 66 vjeç. Që nga dhjetori 2020, ai është Përfaqësues Special i Presidentit për Marrëdhëniet me Organizatat Ndërkombëtare për Arritjen e Objektivave të Zhvillimit të Qëndrueshëm. Në vitet 1990, ai punoi si shef i administratës presidenciale, zëvendëskryeministër i parë dhe ministër i financave.
Shkak i dorëheqjes së tij është bërë lufta në Ukrainë.
